1981ean sortu zuen Bixente EGUIAZABALek hamar urtez zuzendu zuen ENTZUN abesbatza, bere inguruan kantua maite duten eta kantu korala landu eta sustatu nahi duten dozena bat lagun bilduz, batez ere euskaraz.
Berrogei bat abesbatzaile biltzen zituen formazio misto honek, gaur egun apur bat gutxiago, hainbat abesbatza-maisu ikusi zituen elkarren ondoan.
2015eko irailetik, Iñaki DIEGUEZen ordez, Iñigo SALABERRIAk zuzentzen du abesbatza.
Bere errepertoria euskal konpositoreen abesti erlijioso eta profanoez osatua dago batez ere, baina nazioarteko erreferentziako obra klasikoagoetara ere zabaltzen da.
Bere garaian, ENTZUN abesbatzak hainbat trukaketa antolatu ditu hegoaldeko abesbatzekin : LESAKA, ZARAUTZ, PASAIA, HERNANI, DONEZTEBE, MADRILera arte, baita iparraldeko abesbatzekin ere.
Hainbat bidaiak BRETANIA, PARIS, PERIGORD, TOURAINE, AUVERGNERA eraman dute.
1990ean, 2000 abesbatzaileren topaketan parte hartu zuen GASTEIZEN (ARABA) eta, 1995ean, ISRAELen abesbatzen nazioarteko topaketan.
Duela hainbat urtez egon da HENDAIA hiriaren animaziorako (patronalak, musika jaialdia, udako kontzertua, Ste Cecileko meza, Gabonetako kontzertua….)ari dela.
Urte eta erdiko etenaldiaren ondotik, bere aktibitatea berriz hartu zuen, 2021eko uztailean bere 40. urtebetetzea ospatu ahal izan zuen. Bere bide alaiarekin jarraitzen du, 2022ko apirilaren amaieran, Iñaki Loiolako konbertsioaren 500. urteurrena ospatzeko kontzertuan parte hartu zuen Donostian, bere izena daraman parrokian.
2022ko irailean, ST CYPRIEN ( Ekialdeko-Pirinioak) hiriaren gonbidapenari erantzun zion, non HENDAIA eta EUSKAL HERRIKO enbaxadore izan baitzen « Festa Major », identitate eta kultura anitzeko ospakizunean. Bere abeslari eta musikari batzuen gaitasun ainiztasuna aprobetxatuz, 20 abesti ezagun baino gehiago lotzen zituen kontzertua aurkeztu zuen bertan.
HONDARRIBIko ZUMARDIKOAK abesbatzarekin eta udal harmonia orkestrarekin partekatutako kontzertuari esker, hendaiako publikoari opera doinuen programazioa eskaini zion Gabonetako ohiko kontzertuan.
2023ko urte honetako ohiko kontzertuez gain, maiatzan KIRIKIÑO abesbatzaren 25. urteurrena ospatzeko BILBOko elkarte filarmonikoan aritzeko gonbidapenari baikorki erantzun dio. Baita ere Urriaren 28an , Bainoan iraganen den « KORUAK 2023 »n parte hartzeko.
